Abdullahu tha se për pastrim të listave është Gjykata, ndërsa procesin duhet ta ndihmojë Qeveria aq sa mundet.
“Nëse dikush e ka dëmtuar veteranin e vërtetë, nëse dikush i ka dëmtuar pernime vlerat e luftës, nëse i gjejmë tre katër faktor që kanë ndikuar keq në këtë mendësi, atëherë gjithsesi hyjnë këtu ata që janë paraqitur si veteranë e nuk kanë qenë, pra ne konsiderojmë se ka pasur fryrje të listave. Gjykata është ajo që duhet ta ndihmojë procesin e Qeveria është ajo që duhet ta ndihmojë aq sa mundet, t’i lejojë duke mos tejkaluar atë vijë që mund të thuhet se është involvim në Gjykatë”, ka thënë ai në emisionin “Ditari” në Tëvë1.
Ai tha se Qeveria po i konsideron veteranët si “zgjatje” të Partisë Demokratike të Kosovës.
“Nëse është këtu faji, atëherë lë ta bën Qeveria, kush po i pengon të mos e bëjë. Apo po shkohet kah ajo që jeni bë shumë, dreqi s’po mundet me iu ra në fije, ju jeni besa njëfarë zgjatje e Partisë Demokratike edhe pesë pare nuk i japim për ju, nëse është kështu e ka element të kësaj natyre, ne do iu dalim në krah veteranëve aq sa mundemi që edhe të pastrohen listat dhe të kenë pagë të dinjitetshme”, tha më tej Abdullahu. /teve1.info/
