Zëdhënësi i Partisë Demokratike të Kosovës, Faton Abdullahu ka njoftuar se sot ka vizituar ish-presidentin, Hashim Thaçi dhe ish-kryeparlamentarin, Kadri Veseli, të cilët ndodhen në paraburgim në Hagë.
Ai tha se ata përfaqësojnë vlerat të cilave historia jonë e re ua ka dhënë pëlqimin dhe se drejtësia do të fitojë.
“Sot isha në Hagë për t’i vizituar (Hashim Thaçin dhe Kadri Veselin) ata që përfaqësojnë vlerat të cilave historia jonë e re ua ka dhënë pëlqimin dhe jam i bindur se askush nuk mund të ua jap asnjëherë ndëshkimin. Përkundrazi herët a vonë drejtësia do të fitoj”, shkroi ai në Facebook.
