I pari i LDK-së, Lumir Abdixhiku, pasi i uroi mirëseardhje Gashit, u shpreh se kjo është një ditë e veqantë, duke e cilësuar si një ditë e rritjes, bashkimit dhe të vënies së themeleve të qëndrueshme të LDK-së në Obiliq.
“Kjo ceremoni e sotme, në pjesëmarrje kaq masive, është vulë e fuqisë sonë politike, fuqi që buron nga bashkimi ynë ideologjik, nga nevoja për reforma të thella strukturore, si dhe nga vizioni që ndajmë për të ardhmen tonë politike, për Obiliqin e për Kosovën” , tha Abdixhiku.
Abdixhiku e ngriti lartë figurën e Xhafer Gashi, për të cilin tha se është kryetar i suksesshëm, patriot i madh, luftëtar i Koshares dhe mik i heronjëve të Agim Ramadani e Sali Cekaj.
Ndërsa Gashi, shprehu nderime që së bashku me anëtarët e Këshillit Drejtues të Iniciativës Qytetare për Obiliqin, janë bërë pjesë e LDK-së.
“Reformat e ndërmarra dhe hapja e dyerve të partisë nga kryetari Abdixhiku, kanë bërë të mundur që ne sot të jemi pjesë e LDK-së dhe të rrugëtojmë së bashku”, u shpreh Gashi.
