Kryetari i LDK-së, Lumir Abdixhiku ka vizituar njërin nga policët e plagosur në sulmin në veri, ku mbeti i vrarë edhe një polic tjetër.
Ai tha se mes dhimbjes së madhe për humbjen e Afrimit, tek ai gjeta dhe forcën e krenarinë për punën profesionale të shokëve të tij, Policisë së Kosovës, në përballje me terroristë.
“Vizitova Albanin, policin e plagosur sot nga sulmi terrorist në veri.
Mes dhimbjes së madhe për humbjen e Afrimit, tek ai gjeta dhe forcën e krenarinë për punën profesionale të shokëve të tij, Policisë së Kosovës, në përballje me terroristë. Prindit të Albanit i thash të mburret me djalin e tij, sepse me të dhe shokët e tij mburremi të gjithë.
Do të kapërcejmë secilën sfidë. Bashkë për Republikën”, ka shkruar Abdixhiku.