Me këtë rast, Abdixhiku e ka ngritur lartë figurën e Sali Çekaj duke thënë se ai me punën dhe përkushtimin e tij do mbetet përherë në piedestalin e historisë së Kosovës.
“Njëzet e tre vjet më parë, në Betejën e Koshares, ra heroikisht strategu i luftës e njeriu i pendës, bashkëpunëtori i ngushtë i Presidentit historik, Ibrahim Rugova, intelektuali i rrallë e veprimtar i shquar i LDK-së, Sali Çekaj. Vepra e tij është udhërrëfyes i përhershëm i rrugëtimit tonë për liri e pavarësi. Heroi Sali Çekaj, si strateg ushtarak i kalibrit të lartë dhe intelektual i rrallë, i dha të gjitha për Kosovën, në fund, në Betejën e Koshares, me pushkë në dorë e krah bashkëluftëtarëve të UÇK-së, dha edhe jetën”, ka shkruar Abdixhiku në Facebook, transpemton teve1.info.
I pari i LDK-së me tej ka shkruar se Sali Çekaj kishte qenë organizator i shkëlqyeshëm i shqiptarëve për të ndihmuar materialisht e politikisht çlirimin e Kosovës.
“Sali Çekaj, që nga fillimi ishte pjesë e aktivitetit politik në LDK, të udhëhequr nga Presidenti Rugova, njëkohësisht i takon grupit të parë për organizim ushtarak për çlirimin e vendit.
Falë aktivitetit të tij të jashtëzakonshëm për liri e pavarësi, Sali Çekaj, detyrohet nga okupatori serb që të largohet nga Kosova, por si nënkryetar i Degës së LDK-së në Gjermani, ai u bë organizator i shkëlqyeshëm i shqiptarëve për të ndihmuar materialisht e politikisht çlirimin e Kosovës”, ka thënë kryetari i LDK-së, shkruan teve1.info
