Kryetari i Lidhjes Demokratike të Kosovës, Lumir Abdixhiku, ka bërë të ditur se në takimin konsultativ me presidenten Vjosa Osmani dhe kryetarët e partive parlamentare, ka propozuar 26 janarin si datë për mbajtjen e zgjedhjeve parlamentare.
Ai ka thënë se vendit i duhet sa më shpejtë një Qeveri e re, andaj ka propozuar edhe këtë datë.
“Meqë, sipas përcaktimeve të afateve kushtetuese, në dispozicion na u ofruan katër data, ato të 26 janarit, 2 shkurtit, 9 shkurtit e 16 shkurtit; dhe në vijë me bindjet politike të Lidhjes Demokratike – se vendit i duhet sa më parë një Qeveri e re, që parandalon zhbërjen e shtetit, shëron polarizimin shoqëror, rikthen orientimin pro-perëndimor e fokusohet në zhvillim e mirëqenie qytetare, propozova datën 26 janar 2025 si datë të zgjedhjeve të ardhshme”, ka shkruar Abdixhiku.
26 janarin për mbajtjen e zgjedhjeve e kanë propozuar edhe PDK e AAK.
