Kryetari i Lidhjes Demokratike të Kosovës, Lumir Abdixhiku në 14 vjetorin e vendimit të Gjykatës Ndërkombëtare të Drejtësisë, ka thënë se ky vendim dhe gjykim i drejtë ishte vulë përfundimtare e drejtësisë.
Sipas tij, ky vendim i ka mundësuar Kosovës kërkimin e përfshirjes si shtet i barabartë mes atyre shteteve demokratike, shkruan teve1.info
“Më 22 korrik të vitit 2010, Kosova bashkoi njerëzit më profesional në bashkëveprim me miqtë strategjik, për të dëshmuar legjitimitetin e të drejtës sonë për liri, pavarësi dhe demokraci. Ky vendim i shumëpritur dhe gjykim i drejtë ishte vulë përfundimtare e drejtësisë, e cila i mundësoi Kosovës kërkimin e përfshirjes si shtet i barabartë mes atyre shteteve demokratike”, ka thënë Abdixhiku.
