I pari i LDK-së tha se ditët si kjo le të jenë shkak në përpjekjen për mirësi dhe mbarësi të përditshme.
“Festa e Kurban Bajramit është një ditë e veçantë në familjet tona. Ajo gjithëherë na ka bashkuar rreth njëri-tjetrit, siç dhe na ka rikujtuar domosdoshmërinë e ndarjes së të mirave me të tjerët. Të jesh afër në mirësi e të ndash aq sa ke me të tjerë në vështirësi, është pasuri njerëzore. Sot, derisa gjejmë veten të rrethuar me miq, fqinj e familjarë, përderisa shënojmë dashurinë dhe sakrificën tonë ndaj Zotit – le të përpiqemi për mirësi e mbarësi të përditshme e të pashterrshme. Për vendin e shtetin; për shoqërinë dhe për njëri tjetrin”, shkroi Abdixhiku në një postim në Facebook.
Tutje, ai uroi që festat dhe gëzimi të jenë përherë në familjet e të gjithë besimtarëve./teve1.info/