Kryetari i Lidhjes Demokratike të Kosovës, Lumir Abdixhiku, ka vizituar Bashkësia Islame e Kosovës, ku është takuar me Myftiun Naim Tërnava me rastin e festës së Fitër Bajramit.
Gjatë kësaj vizite, ai ka përcjellë urimet për besimtarët myslimanë, duke theksuar rëndësinë e vlerave që promovohen gjatë muajit të Ramazanit dhe festës së Bajramit, si solidariteti, mbështetja për ata në nevojë dhe uniteti shoqëror.
“Atëherë sot me bashkëpunëtorë uruam Myftiun Tërnava dhe bashkëpunëtorët e tij dhe nëpërmjet tij gjithë komunitetin e besimit islam në Kosovë për festën e Fitër Bajramit. Lutjet dhe agjërimi i muajit të shenjtë të Ramazanit u pranofshin nga krijuesi. Mbi të gjitha në këtë periudhë edhe përtej kësaj periudhe t’i ruajmë, t’i kultivojmë dhe t’i mbrojmë këto vlera që rëndom i gjejmë gjatë këtij muaji të shenjtë dhe gjatë festës së Bajramit, pra solidaritetin ndaj njëri-tjetrit, mbështetjen ndaj atyre që janë në nevojë, unitetin sa më të madh të njerëzve të Republikës së Kosovës. Zoti e bekoftë Kosovën, popullin tonë dhe familjet tona. Me fat Bajrami!”, tha Abdixhiku.
Në fund, Abdixhiku ka shprehur urime edhe për gazetarët me rastin e kësaj feste.
“Me fat edhe juve gazetarë”, tha shkurt Abdixhiku.
