Kryetari i LDK-së, Lumir Abdixhiku gjatë vizitës së tij në bashkësinë Islame të Kosovës, ku u prit nga myftiu Naim Tërnava, theksoi nevojën për solidaritet të ndërsjellë.
“Duke u lutur që sakrifica dhe kontributi gjatë muajit të Ramazanit t’u pranohet qytetarëve, le të kujdesemi për njëri-tjetrin dhe të solidarizohemi me njërin-tjetrin”, tha Abdixhiku.
Ldhe Lidhja Demokratike e Kosovës, në një postim në Facebook ka uruar festën e Fitër Bajramit për të gjithë besimtarët myslimanë. Ky subjekt politik ka deklaruar se kjo ditë duhet të shpërndajë paqe, dashuri dhe solidaritet.
“Të gjithë besimtarëve mysliman, urime Festa e Fitër Bajramit. Me shpresë dhe besim që lutjet, agjërimi dhe çdo përpjekje në rrugë të Zotit, të jetë pranuar, Lidhja Demokratike e Kosovës ju uron festën e Bajramit. Le të jetë kjo ditë dhe çdo ditë tjetër një mundësi për të shpërndarë paqe, dashuri dhe solidaritet, vlera këto të cilat duhet të na shoqërojnë gjithmonë. Paçi gjithmonë gëzime në familjet tuaja!”, thuhet në urimin e LDK-së.
