Siç thuhet në njoftimin e Lidhjes Demokratike të Kosovës, Abdixhiku e ka njoftuar ambasadorin Szunyog me propozimet e LDK-së për tejkalimin e krizës me çmimet dhe e ka përsëritur kërkesën partisë së tij për përshpejtimin e liberalizimit të vizave për qytetarët e Kosovës si dhe të proceseve të integrimeve evropiane, shkruan teve1.info.
“Në takim u bisedua edhe për reformën zgjedhore si dhe për agjendën legjislative të Kuvendit të Kosovës që ndërlidhen me proceset e integrimit evropian të Kosovës, e cila duhet të dinamizohet më shumë. LDK, si deri më tani, vazhdon të jetë partner i besueshëm për institucionet ndërkombëtare”, thuhet në njoftimin e LDK-së në Facebook.
