Kryetari i Lidhjes Demokratike të Kosovës, Lumir Abdixhiku ka pritur në takim deputetët e Bundestagut gjerman Tilman Kuban dhe David Preisendanz.
Në këtë takim kryetari dhe deputetët gjerman diskutuan lidhur me zhvillimet aktuale politike në vend dhe qëndrimeve të LDK-së rreth këtyre çështjeve.
“Kryetari Abdixhiku vlerësoi lart mbështetjen e vazhdueshme të Gjermanisë për Kosovën, duke theksuar raportin tradicional dhe partneritetin e qëndrueshëm e të shkëlqyeshëm ndërmjet LDK-së dhe CDU-së, si dy parti të qendrës së djathtë që ndajnë vlera të përbashkëta evropiane”, thuhet në njoftimin e LDK-së.
Ndërkohë, gjatë këtij takimi është diskutuar edhe për thellimin e bashkëpunimit të mëtejshëm në fusha të ndryshme të interesit të përbashkët./teve1.info/
