Kryetari i Lidhjes Demokratike të Kosovës, Lumir Abdixhiku sot ka pritur në selinë qendrore ambasadorin e Turqisë në Kosovë, Sabri Tunç Angili.
Abdixhiku dhe Angili gjatë këtij takimi kanë diskutuar për zhvillimet e fundit në vend, në veçanti për procesin zgjedhor të 9 shkurtit dhe qëndrimet e LDK-së.
“Kryetari Abdixhiku kërkoi që roli i Turqisë në sigurinë e Kosovës të thellohet dhe më tutje dhe se bashkëpunimi ndërshtetëror të vazhdojë në nivelet më të larta të sigurisë. Në takim u diskutuan edhe për mundësitë e bashkëpunimit dhe për thellimin e raporteve mes dy vendeve, ndërsa kryetari Abdixhiku shprehu mirënjohjen e tij për mbështetjen e vazhdueshme që Turqia i ka dhënë Kosovës ndër vite”, ka shkruar Abdixhiku në Facebook./teve1.info/
