Kryetari i Lidhjes Demokratike të Kosovës, Lumir Abdixhiku, ka pritur në një takim njohës ambasadorin e ri të Hungarisë në Kosovë, László István Dux.
Me këtë rast, Abdixhiku e uroi ambasadorin Dux për marrjen e detyrës së re dhe i uroi suksese në angazhimin e tij diplomatik në vend.
Gjatë takimit u diskutua edhe për zhvillimet e fundit politike në Kosovë, si dhe për qëndrimet e Lidhjes Demokratike të Kosovës lidhur me këto çështje.
“Kryetari Abdixhiku shprehu mirënjohje për mbështetjen e vazhdueshme që Hungaria i ka dhënë Kosovës ndër vite, duke theksuar gatishmërinë për thellimin dhe zgjerimin e mëtejmë të bashkëpunimit në fusha të ndryshme me interes të përbashkët”, thuhet në njoftimin e LDK-së./teve1.info/
