Përmes një postimi në Facebook, Abdixhiku ka thënë se problemet e tyre nuk marrin as përgjigje e as trajtime institucionale, sepse me biznese sot, sipas tij, s’ka kush të bisedojë.
Tutje, kreu i LDK-së ka thënë se shteti ka bllokuar ekonominë dhe investimet kapitale.
“Do të takojmë secilin biznes prodhues në Kosovë. Do të flasim me ta; me secilin nga ta. LDK sot po dëgjon. Nesër, me njerëzit më profesionistë e më të mirë të vendit, do t’i japim zgjidhjet e domosdoshme për ta, punëtoret e tyre dhe për vet shtetin”, ka shkruar ai.
