Kandidati për kryeministër nga radhët e LDK-së, Lumir Abdixhiku ka premtuar mësim tërëditor në gjithë vendin dhe ndërtimin e 80 çerdheve të reja.
Në një tubim elektoral të mbajtur në Gjakovë, ai ka thënë se mësimi tërëditor që po premtohet nga çdo parti është projekt i nisur e realizuar nga LDK në Prishtinë.
Në Gjakovë, mes qytetarëve që kërkojnë shpresë dhe ndryshim.
“Prezantova planin tonë të madh kombëtar për reformën në arsim: plot 1 miliard euro investim për mësim tërëditor në secilën komunë të Kosovës dhe ndërtimin e 80 çerdheve të reja për më të vegjlit tanë. Që asnjë nënë të mos detyrohet të zgjedhë mes punës dhe fëmijës. Që asnjë fëmijë të mos mbetet pas për shkak të varfërisë. Që shkolla të bëhet hapësirë zhvillimi dhe mundësish, jo thjesht vend kujdesi. Mësimi tërëditorë që premtohet sot nga secila parti; është projekt i ideuar e realizuar me sukses nga LDK-ja në Prishtinë. Koha ta bëjmë standard gjithandej”, ka shkruar Abdixhiku në Facebook.
