Kryetari i Lidhjes Demokratike të Kosovës, Lumir Abdixhiku ka thënë se nuk ka ndryshuar qëndrim nga ajo çfarë ka deklaruar për pozicionimin e kësaj partie sa i përket formimit të qeverisë së re.
Ai duke komentuar deklaratën e dhëna nga njohës të politikës se siç ka thënë ai i tregojnë LDK-së se cafë pozicionimi të marrë ka thënë se nuk ndryshojnë qëndrim nga realiteti që është.
“Për këto sulmet e gjithanshme ndërsa, nga politikanë, mendimtarë publiko-partiak e secili që disi merr të drejtë të na tregojë se çfarë vendimi e qëndrimi na u dashka të mbajmë ne si LDK, për gjithë këta bashkë, u them se lodheni kot! LDK po flet drejtë – po flet njëjtë, po flet siç e kanë drejtuar votuesit e vet. Mbi të gjitha, LDK po flet me dioptri realiste në vend. Ky realitet nuk na pëlqen, por ai nuk ndryshon sado që investohet në antifushatë ndaj nesh”, ka shkruar Abdixhki në Facebook pas një takimi që ka mbajtur në Gjakovë.
Abdixhiku ka thënë se partia e parë e ka rendin ta formojë qeverinë dhe nëse u vije rendi atyre ata kanë qëndrimet.
“Ja ku e keni të parin. E ka rendin ai. Kur vjen rendi tek ne, nëse vjen ndonjëherë, qëndrimet i keni të qarta; dhe ato nuk ndryshojnë! Ndoshta dhe janë mësuar që kjo LDK t’ua bëjë politikën për qejf. Ndoshta dhe janë mësuar se me presion të tillë LDK liget e eventualisht dhe bjen. Ky presion veç po na forcon”, ka shkruar ai
