Kryetari i LDK’së, Lumir Abdixhiku, ka thënë se masakra e Reçakut ishte një ndër më të rëndat të njerëzimit në fundin e shekullit të XX.
Abdixhiku ka thënë se ndjen nevojën që këtë ditë të dhimbshme ta mbajmë si rikujtim të sakrificës së popullit për liri e shtetësi.
“Sot, teksa po largohemi një çerek shekulli nga kjo ngjarje e errët e historisë njerëzore, ndjejmë gjithë afërsinë me dhimbjet e asaj dite të familjarëve e të mbijetuarve. Ndjejmë dhe nevojën që këtë ditë të dhimbshme të kujtesës sonë, ta mbajmë sot e gjithherë si rikujtim që s’shuhet të sakrificës së madhe të popullit tonë për liri e shtetësi. Mbi këtë sakrificë, përbashkimi ynë për Kosovën, atdheun tonë, bëhet domosdoshmëri”, ka shkruar mes tjerash në facebook ai.
