Kreu i LDK-së, Lumir Abdixhiku, ka thënë se për iniciativën e tij për qeveri nacionale të tranzicionit ka marrë gatishmëri prej disa liderëve.
“I kam njoftuar, nuk mund të flasë për parti tjera, kam marrë gatishmëri të disa prej liderëve. Pra po flasim për qeveri nacionale të tranzicionit të një unitetit të tanishëm të domosdoshëm për Republikën e Kosovës, me afat të shkurt, me kryeministër dhe kabinet unifikues për Republikën e Kosovës deri në zgjedhjen e presidentit”, tha ai.
Ai tha se për këtë nismë është i gatshëm të takohet me të gjithë liderët partiakë shqiptarë, përfshirë edhe kryetarin e Vetëvendosjes, Albin Kurti.
“Për këtë si kryetar i LDK-së jam i gatshëm të takohem me të gjitha partitë politike shqiptare, të ndihmoj në këtë proces dhe e ftoj edhe zotëri Kurtin siç i ftoj edhe liderët politikë, të cilët i kam njoftuar tashmë për këtë iniciativë kurdo që ata e shohin të arsyeshme”.
