Kryetari i Lidhjes Demokratike të Kosovës, Lumir Abdixhiku, ka përjashtuar mundësinë e bashkëpunimit të partisë që udhëheqë ai me Lëvizjen Vetëvendosje.
Ai ka thënë se LDK e ka të qartë pozicionin e vet politik karshi LVV-së.
Tutje, ai tha se nuk kanë pasur takim me asnjë prej partive politike në Kosovë.
“Diskutuam për procesin zgjedhor, për rezultatin e LDK-së. Konstatuam që është rezultat në rritje… Nuk kemi pasur asnjë takim me asnjë prej partive politike në Kosovë, sidomos me partinë në pushtet. LDK e ka të qartë pozicionin e vet politik karshi LVV-së. Nuk duam, nuk kemi dhe nuk punojmë për bashkëpunim me ta (LVV). Ky është pozicioni i qartë i LDK-së paraeketoral dhe si i tillë mbetet edhe sot”, ka thënë ai në konferencën pas mbledhjes së Kryesisë së LDK-së.
Abdixhiku tha se LDK-ja s’do të jetë pjesë e asnjë qeverie pa pozitën e kryeministrit.
Ai bëri të ditur se LDK-ja nuk synon dhe s’punon për “qeveri afatshkurtër”.
“LDK nuk do të jetë pjesë e asnjë qeverie pa pozitën e kryeministrit, ky vazhdon të jetë qëndrimi ynë tani dhe po ashtu kemi thënë se LDK nuk synon dhe nuk do të punojnë për një qeveri afatshkurta, pra pa zgjidhjen e çështjes bazike të presidenti që përcakton edhe zgjedhjet e ardhshme nacionale të Kosovë, LDK nuk beson që do të ketë stabilitet qeveritar dhe për qeveri afatshkurtra nuk është e interesuar fare, nuk do të përsëritim gabimet paraprake të futje në qeveri në afat shkurtër”, tha ai.
