Përmes një postimi në Facebook, Abdixhiku tha se Azemi është inxhinier i diplomuar në Universitetin e Prishtinës në fushën e Sistemeve Elektroenergjetike, teksa ka vazhduar studimet postdiplomike në University of Marylan Global Campus.
Sipas tij, ardhja e Azemit në LDK është vlerë për ta sepse është bërë pjesë e profesionistëve më të mirë të vendit që zgjedhin të lënë komfortin jetësor për angazhim politik.
“Përgjatë dhjetë viteve të shkuara, Visar Azemi shërbeu si aktivist i shoqërisë civile, me angazhim të gjerë në fushën e energjisë së ripërtëritshme, integrimin e tregut energjetik, ekonomisë qarkore dhe tranzicionit energjetik në gjithë Ballkanin Perëndimor. Së fundmi, ai shërbeu edhe si Drejtor Ekzekutiv i Balkan Green Foundation. Përgjatë kësaj kohe, ai ka qenë autor i një numri të madh studimesh e publikimesh mbi energjinë e qëndrueshme në Kosovë dhe rajon”, shkroi ndër tjerash ai./teve1.info/