Kryetari i Lidhjes Demokratike e Kosovës, Lumir Abdixhiku, ka thënë se kryeministri i Kosovës, Albin Kurti, i ka dhënë miliona euro nga buxhetit i shtetit, mikut të tij.
Ai ka thënë se Qeveria po mbron hajnat e po akuzon mediat që e zbuluan dhe sulmon prokurorët.
Abdixhiku në një video në Facebook ka thënë se “mbrojtja për Ridin që i merr ‘vetëm’ 3%; për Martinin që i tërheqë 1.4 milion kesh në Prishtinë, apo për Nagipin që jep tender 3.5 milionësh një biznesi pa qarkullim – është vazhdimësi e hajnisë që Kosovës nuk i është ndarë tash e shumë kohë”, ka shkruar ai.
Abdixhiku ka thënë rruga e re po vjen si domosdoshmëri.
“Tani a është ky ndryshimi i njëmendtë të cilin e kërkonim ndër vite? Të dëgjojmë krahasime se këta apo të tjerët para tyre janë hajna më të mëdhenj? Pas shumë përpjekjeve për evropianizim, a duhet të mjaftohemi me një Qeveri e Kryeministër që mbron kriminelët në pranga e krimin rreth tij, e shpërfaqet me plot mllef ndaj luftuesve të tij. Kosova mundet më mirë, Kosova meriton më shumë. ‘Rruga e re’ po vjen, si domosdoshmëri e vet kohës, dhe s’ka asgjë që e ndalë atë tashmë”, ka shkruar Abdixhiku.
