Kandidati për kryeministër nga LDK-ja, Lumir Abdixhiku, të mërkurën ka vizituar nënkalimin e parkingut të Lipjanit të realizuar nga kryetari i komunës Imri Ahmeti.
Sipas Abdixhikut ky projekt ka zgjidhur çështjen e parkingut për të gjithë qytetarët me punë në qendër të qytetit.
Ai ka shtuar se kanë 5 miliardë euro investime kapitale për katër vjet.
“Qëndrova në Lipjan. Aty, me Imri Ahmetin, vizitova projektin e fundit kapital të tij dhe ekipit të tij, nënkalimin e parkingun e qytetit. Projekt që ka zgjidhur çështjen e parkingut për të gjithë qytetarët me punë në qendër të qytetit. Mes qytetarëve e mbështetësve të shumtë, që na prisnin aty, tregova se si fokusi ynë është në projekte që madhore që ndikojnë në jetën e përditshme të qytetarëve tanë! Prandaj kemi plot 5 miliardë euro investime kapitale për katër vjet, në programin më ambicioz që ka pasur Kosova ndonjëherë.Dhe me ekip sikurse Imriu, që e nisë e përfundon një projekt si ky krejt vet, pra pa asnjë ndihmë financuese nga qendra; realizimi i qëllimeve tona – e që janë qëllime të vet qytetarëve – është krejt i lehtë!Besoni në Kosovën!Bëhuni Ndryshimi”, ka shkruar Abdixhiku në Facebook.
