Kryetari i LDK-së, Lumir Abdixhiku ka deklaruar se LDK-ja pas aktgjykimit të fundit të Gjykatës Kushtetuese ka hapur rrugën për zgjedhjen e nënkryetarit të pestë për konstituimin e Kuvendit.
Abdixhiku tha se mbajtja e vendit të bllokuar për më shumë se pesë muaj, për një pozitë tërësisht formale dhe të parëndësishme, ka qenë akt i papërgjegjshëm, që ka dëmtuar interesin e Republikës.
“Lidhja Demokratike e Kosovës, pas analizës juridike shteruese, ka vlerësuar se aktgjykimi i fundit i Gjykatës Kushtetuese ka hapur rrugë për zgjedhjen e nënkryetarit të pestë dhe për konstituimin e Kuvendit. LDK-ja vlerëson se mbajtja e vendit të bllokuar për më shumë se pesë muaj, për një pozitë tërësisht formale dhe të parëndësishme, ka qenë akt i papërgjegjshëm, që ka dëmtuar interesin e Republikës. E vetëdijshme se debati i paqenë mbi Listën Serbe dhe veton e saj në procesin e konstituimit të kuvendit, ishte kthyer në temë elektorale, LDK-ja vendosi ta largojë këtë çështje nga agjenda politike dhe institucionale, duke i hapur rrugë procesit kushtetues dhe institucional të vendit”, ka shkruar Abdixhiku.
Tutje, ai u shpreh se pret nga partia e parë fituese LVV në zgjedhjet e 9 shkurtit që ta formojë qeverinë./teve1.info/
