Kryetari i Lidhjes Demokratike të Kosovës (LDK), Lumir Abdixhiku, në Kuvendin e dhjetë zgjedhor tha se procesi i brendshëm i partisë ka të bëjë me fatin përcaktues të Republikës së Kosovës.
Abdixhiku tha se Kosova sot udhëhiqet nga popullsitë që kanë gjuhë ndarëse dhe përçarëse.
“Uroj të kuptoni që procesi ynë i brendshëm nuk ka të bëjë vetëm me ne. Ky proces është përcaktues për fatin e vetë Republikës, për fatin e brezave të tashëm e të ardhshëm. Republika e Kosovës sot udhëhiqet nga popullsitë mosbesues të saj, udhëhiqet nga një gjuhë polarizuese, ndarëse e përçarëse që nuk i lejon vendit tonë të bëjë hapa të mëdhenj. Republika e Kosovës sot vazhdon të pranojë goditje të vazhdueshme ndaj themeleve të saja mbi të cilat themeli u ndërtua liria jonë si koncept i veprimit politik e si e drejtë popullore, u ndërtua shtetësia jonë si produkt i sakrificës shekullore e vetë demokracia si vlerë e popullit të Kosovës…, tha ai.
Sipas tij, një shoqëri që më shumë përmend vitin 2013 se atë të 2030, nuk e ka mendjen e as energjinë nga e ardhmja.
“Ju duhet ta kuptoni sot se Kosova nuk ka politikë publike, e kur diskutohet mbi diskutimet e së shkuarës e ardhmja jonë nuk po bëhet dot. Një vend e një shoqëri që më shumë përmend vitin 2013 se vitin 2030 nuk ka as mendjen, as energjinë ta bëjë të ardhmen. Ne sot po humbin dy pasuritë më të mëdha tonat, kohën dhe njerëzit, derisa koha po na kalon njerëzit po na ikin”, deklaroi Abdixhiku.
