Kryetari i Lidhjes Demokratike të Kosovës, Lumir Abdixhiku ka uruar 8 Marsin – Ditën Ndërkombëtare të Gruas.
Abdixhiku ka thënë se në këtë ditë, shpreh mirënjohje dhe respekt ndaj grave të cilat me përkushtimin dhe sakrificën e tyre.
“Në këtë Ditë Ndërkombëtare të Gruas, shprehim mirënjohje dhe respekt të jashtëzakonshëm ndaj të gjitha grave të cilat me punën, përkushtimin dhe sakrificën e tyre lartësojnë vlerat më të mira të shoqërisë tonë. Sot, kujtojmë përpjekjet e mëdha të tyre për barazi, drejtësi dhe paqe. Rikujtojmë po ashtu rolin dhe kontributin e të gjitha grave në kohërat më të rënda të vendit tonë, duke qenë kështu pjesë e të gjitha proceseve të themelimit dhe ndërtimit të shtetit tonë, e barabartë në përgjegjësitë dhe kontributin e saj”, ka shkruar Abdixhiku.
Kreu i LDK-së tha se fuqizimi ekonomik, social e politik i gruas është një investim i drejtpërdrejtë në forcimin dhe zhvillimin e shtetit.
“Ju falënderoj nga zemra për kontributin tuaj të çmuar dhe ju siguroj se ky angazhim për një shoqëri të barabartë dhe të drejtë do të vazhdojë, sot e gjithherë. Bashkë do ta ndërtojmë një vend ku gratë dhe vajzat kanë më shumë mundësi, më shumë mbështetje dhe më shumë hapësirë për të udhëhequr proceset e rëndësishme për të ardhmen e vendit!”, ka shkruar ai ndër të tjera./teve1.info/
