Kryetari i Lidhjes Demokratike të Kosovës, Lumir Abdixhiku është deklaruar për rezultatin e zgjedhjeve të 9 shkurtit ku sipas rezultateve preliminare kjo parti ka marrë 17.57% të votave.
Abdixhiku ka thënë se rritja e partisë në krahasim me zgjedhjet e kaluara të vitit 2021 i jep mundësi e qetësi organizmit të brendshëm.
“Rritja jonë i jep mundësi e qetësi organizimit më të mirë të brendshëm partiak – dhe për këtë do të qëndroj gjithmonë krenar; por kjo rritje është e pamjaftueshme për ndryshimin e Republikës në këtë fazë – dhe për këtë ndjejë keqardhje”, ka shkruar ai të hënën në Facebook.
Kreu i LDK-së ka thënë se pas numërimit përfundimtar të votave kjo parti do të ofrojë qëndrimet e veta politike.
