Kryetari i Lidhjes Demokratike të Kosovës, Lumir Abdixhiku, ka pritur në takim ambasadorin e Italisë në Kosovë, Antonello De Riu.
Në këtë takim sipas komunikatës së LDK-së është diskutuar për zhvillimet politike në vend dhe zgjedhje parlamentare të 9 shkurtit.
“Kryetari Abdixhiku dhe ambasadori Antonello De Riu, diskutuan rreth zhvillimeve të fundit politike në vend, veçanërisht për zgjedhjet e 9 shkurtit dhe për përgatitjet e LDK-së për këto zgjedhje. Kryetari Abdixhiku ka folur edhe për tubimet entuziaste pjesë e “Turneu i Ndryshimit”, dhe që qytetarët gjithandej Kosovës po e kërkojnë ndryshimin që LDK po e ofron”, thuhet në komunikatë.
Abdixhiku, falënderoi ambasadorin De Riu për mbështetjen që Italia i ka dhënë në vazhdimësi Kosovës.
