Kryetari i Lidhjes Demokratike të Kosovës, Lumir Abdixhiku, sot gjatë seancës së Kuvendit të Kosovës ka deklaruar se si Kuvend, si opozitë-pozitë pa dallim të gjithë, si shoqëri, si Kosovë, si përfaqësues i qytetarëve askush nuk e dinë se çfarë ka pranuar kryeministri i Kosovës, Albin Kurti.
Ai gjatë fjalimin të tij në seancë i është drejtuar kryeministrit me katër pyetje duke thënë se: “meqenëse kryeministri nuk raporton në Kuvend, para dhe pas shkuarjes në Bruksel, sot dua t’ia parashtrojë katër pyetje për të kuptuar qartë se çfarë ka pranuar ai në Paris. Gjithmonë duke u mbështetur në elementet e marrëveshjes finale që na kishe prezantuar më 30 gusht të vitit 2022 në platformën e tij”, raporton teve1.info
Pyetjet e të parit të LDK-së drejtuar të parit të vendit ishin:
“A bëhet fjalë për marrëveshjen përfundimtare-finale, ligjërisht të obligueshme, a po për një marrëveshje bazë dhe jo përfundimtare?.
Marrëveshja e pranuar nga ju në parim a e ka njohjen e ndërsjellë në qendër të saj, pra aktin kur Serbia e njeh Kosovën, e kur Kosova ndërsjellazi e njeh Serbinë”.
Marrëveshja e pranuar nga ju në parim a i ka elementet e platformës tuaj që na prezantuat në gusht të vitit 2022. Pra ato që lidhen me dëmet e luftës dhe kompensimin e tyre, me reciprocitetin në Luginë dhe kthimin e pasurisë së plaçkitur nga Serbia”.
Kjo marrëveshje e pranuar në parim nga ju a parasheh rikonsiderimin e të gjitha marrëveshjeve paraprake, siç kërkonit në gusht të vitit 2022, a po implementimin e të gjitha marrëveshjeve pa dallim”.
Ai tutje iu ka drejtuar kryeministrit Kurtit duke i thënë se trego se në procesin e udhëhequr nga ju, në këto dy vite të qeverisjes tuaj, çfarë elementesh ka produkti përfundimtar.
“Na trego çfarë ke pranuar saktësisht hapur, pa frikë, në shqip para përfaqësuesve të këtij populli”, ka deklaruar ai.
