Kandidati për kryeministër nga radhët e LDK-së, Lumir Abdixhiku, ka deklaruar se për zgjedhjet e 9 shkurtit janë regjistruar 25 mijë mbështetës nga mërgata.
Abdixhiku i ka bërë thirrje mërgimtarëve të regjistrohen për votim, pasi që kanë mbetur vetëm edhe 3 ditë kohë për aplikim.
“Po ju njoftoj, lajmëroj, e kumtoj, se në regjistrimin e votuesve në mërgatë, në bazë të të gjithë të dhënave të strukturave tona, Lidhja Demokratike e Kosovës, prinë me numrin e mbështetësve e votuesve të regjistruar për në zgjedhjet e shkurtit”, ka shkruar ai në Facebook.
Sipas tij, nga 60 mijë të regjistruar, 25 mijë janë votues të LDK-së.
“Gjersa flasim sot këtu, nga 60 mijë të regjistruar gjithsejtë, plot 25 mijë janë anëtarë e mbështetës tanë. Ata, së shpejti do të jenë dhe votues tanë të ardhshëm; votues të ndryshimit të madh kombëtar!”, shkroi ai tutje.
