Ambasadori britanik në Kosovë, Nicholas Abbott ka uruar Özkan Ulutaş, për pozitën e re si komandat i KFOR-it.
Abbott thotë se pret me padurim që të bashkëpunojë me Ulutaş përgjatë 12 muajve, përcjell teve1.info
“Gjithmonë i nderuar të jem në kampin Film City për dorëzimin e komandës te Komandantit të ri të KFOR-it. E mirëpres gjeneralmajorin Ulutaş në këtë pozitë të rëndësishme për sigurinë në Kosovë. I urojmë atij çdo sukses në komandën e tij dhe presim me padurim të vazhdojmë të bashkëpunojmë ngushtë gjatë dymbëdhjetë muajve të ardhshëm”, ka shkruar ai në Facebook.
Ambasadori Abbott po ashtu ka falënderuar ish-komandantin, Angelo Michele Ristuccia për “përkushtimin e tij të vendosur ndaj misionit të NATO-s në Kosovë”.
Në kampin “Film City” në Prishtinë është bërë sot ndërrimi i komandës së KFOR-it mes Angelo Michele Ristuccia dhe Özkan Ulutaş.
Mandati i komandatit të ri turk të KFOR-it do të jetë njëvjeçar. /Teve1.info/
