Ambasadori i Britanisë së Madhe në Kosovë, Nicolas Abbott, iu ka drejtuar ndjekësve të tij në Facebook me një shkrim në gjuhën shqipe, raporton teve1.info
Me rastin e fillimit të Seminarit Ndërkombëtar për Gjuhën që mbahet në kuadër të Universitetit të Prishtinës, Abbott ka thënë se Letërsia shqipe i ka rrënjët thellë në folklor, porezi e prozë, derisa veprat e shkrimtarëve: Ismail Kadare dhe Naim Frashëri, i ka cilësuar si urë lidhëse me letërsinë botërore.
“Pasi kam pasur nderin të mësoj gjuhën shqipe, ishte kënaqësi të marr pjesë në hapjen e Seminarit të 41-të për gjuhën, letërsinë dhe kulturën shqiptare. Gjatë fjalimit tim theksova se:
Letërsia shqipe, me rrënjët e saj të thella në folklor, poezi dhe prozë, ofron një dritare në shpirtin e një kombi. Veprat e Ismail Kadaresë, Naim Frashërit e shumë të tjerëve, jo vetëm kanë kontribuar në letërsinë botërore, por kanë shërbyer edhe si një urë lidhëse mes kulturave”, ka shkruar ai.
