Ambasadori britanik në Kosovë, Nicholas Abbott, ka mirëpritur procesin zgjedhor në katër komunat në veriun e Kosovës, të cilat janë mbajtur të sigurta dhe pa incidente.
Abbott ka nderuar zyrtarët e zgjedhjeve dhe Policinë që kanë mundësuar një proces të qetë.
Ai ka shprehur keqardhje për mungesën e partive politike serbe, të cilat nuk kanë marrë pjesë në zgjedhje, shkruan teve1.info.
“E mirëpres që zgjedhjet në komunat veriore dje u mbajtën sigurt dhe pa ndonjë incident të madh. Do të doja t’i nderoja zyrtarët e zgjedhjeve & policinë që e bënë këtë të mundur. Më vjen keq për mungesën e partive politike serbe dhe zgjedhjes për serbët në procesin zgjedhor”, ka shkruar Abbotti në Twitter.
Ambasadori pret progres në zbatimin e marrëveshjes së arritur në Ohër, që sipas tij është në interes të të gjithë qytetarëve të komunave veriore në Kosovë.
“Raportimet për presion dhe kërcënimeve në disa raste për mospjesëmarrje ishin thellësisht shqetësuese . Pres progres në zbatimin e marrëveshjes së arritur në Ohër muajin e kaluar në interes të të gjithë qytetarëve të komunave veriore”, ka shkruar tutje ambasadori. /teve1.info/
for🇽🇰Serbs in the election process. Reports of pressure &threats in certain cases to not participate are deeply concerning. I look forward to progress in implementing the agreement reached in Ohrid last month in the interests of all the citizens of 🇽🇰northern municipalities. 2/2
— Nicholas Abbott (@nickabbottfcdo) April 24, 2023
