Ambasadori britanik në Kosovë, Nicholas Abbott ka reaguar pas dorëheqjes së shtatë serbëve nga Policia e Kosovës.
Sipas tij, është në interes të komunitetit që policët serbë të Kosovës ta vazhdojnë punën pa u frikësuar.
“Unë ndaj shqetësimin se një numër i policëve serbë të Kosovës të saporekrutuar kanë dhënë dorëheqje. Është në interes të komunitetit që policët serbë të Kosovës të vazhdojnë të punojë në veri të Kosovës dhe ta bëjë këtë pa frikësime të brendshme apo të jashtme. Është jetike që Policia e Kosovës të përfaqësojë komunitetet aty ku mbikqyr [kryen detyrën] dhe i mirëpres përpjekjet e Qeverisë që ta bëjë të mundur këtë”, ka shkruar ai në Facebook.
Gjatë ditës së sotme, presidentja e vendit Vjosa Osmani ka konfirmuar që numri i serbëve që kanë dhënë dorëheqje nga Policia e Kosovës është shtatë. /Teve1.info/