Kryeministri i Malit të Zi, Dritan Abazoviq, është deklaruar pas takimit që pati sot me presidenten e vendit, Vjosa Osmani.
Abazoviq përmes një postimi në Twitter, ka shkruar se dëshiron bashkëpunim të afërt dhe zhvillim ekonomik për të gjitha vendet e rajonit, raporton teve1.info.
“Ishte kënaqësi që bisedova me presidenten Vjosa Osmani. Falënderoj Kosovën për mikpritjen e këndshme gjatë qëndrimit tim tre ditësh. Dëshirojmë bashkëpunim më të afërt dhe zhvillim ekonomik për të gjitha vendet e rajonit”, thuhet në postimin e Abazoviq.
Po ashtu, Abazoviq ka qëndruar për vizitë treditore në Kosovë ku ka takuar kryeministrin, Albin Kurti dhe krerët opozitarë, kryetarin e PDK-së, Memli Krasniqi dhe atë të LDK-së, Lumir Abdixhiku.
Njëherit, Abazoviq ka takuar edhe klerikë fetarë gjatë vizitës, teksa këtë të shtunë do të ndalojë tek Devolli Corporation ku do të pritet nga pronari i korporatës, Shkëlqim Devolli në fabrikën e Prince Caffe.
Zajedno sa uvaženom ppv RKS #EmilijaRedžepi, multietničkom grupom u Skupštini Republike Kosovo i ministrima iz nevećinskih zajednica, razgovarali smo na temu manjinskih prava i saglasili se da fokus ukupnih regionalnih politika treba da bude okrenut budućnosti. pic.twitter.com/Tbs22shfF0
— Dr Dritan Abazovic (@DritanAbazovic) April 15, 2023
