I ftuar në emisionin “Ditari” në Tëvë 1, ai deklaroi se tashmë komunat janë vonë në miratimin e buxhetit për shkak se data e fundit e dorëzimit për miratim në asambletë komunale, është 1 shtatori.
Sipas tij, nëse kjo ndodh atëherë komunat marrin pikë negative nga Ministria e Administrimit dhe Pushtetit Lokal.
“Në fakt ne jemi shumë vonë harrova ta përmendi faktin që ne përveç që jemi të obliguar me ligjin e menaxhimit të financacve që më 1 shtator ta dorëzojmë për asamble komunale, këtu matemi me performancë. Në fakt MAPL na vlerëson dhe nëse ne nuk e dorëzojmë më 1 shtator buxhetin marrim pikë negative”, shtoi ai.
Po ashtu, Abazi deklaroi se me mosrealizimin e këtij obligimit të Muratit, komunat humbin edhe mjete të konsiderueshme financiare, teksa shprehet optimist për “reflektim nga ana e ministrit”.
“Te rasti i komunave të vogla dhe të mesme kjo vjen në shprehje se humbin mjete financiare me automatizëm penalizohemi që na kushton pastaj edhe në vlerë financiare, unë po them që jemi shumë vonë dhe shpresoj që ministri të reflektojë më së largu nesër edhe pse është më vonë më mirë vonë sesa ta lëjë më tepër”, tha ai.
Tutje, ai deklaroi se nuk e dinë arsyen se pse ende nuk është bërë një gjë e tillë, duke thënë se ministri i Financave i ka informatat e duhura por që “vetëm nënshkrimi i tij mungon”.
“Këtu është problemi se ministri po e dinë sa ne do i kemi kufijtë edhe kjo është shumë normale kjo të jep me kuptu që ministri e ka në tavolinë edhe tablat buxhetore edhe të gjitha por nënshkrimi i tij mungon…Sinqerisht nuk e di unë besoj që ministri ka punë më të rëndësishme sasa me dal në Tv edhe me tregu kur dalin pensionet e di gjyshja ime atë punë dhe s’ka nevojë me na tregu kur merren pensionet”, shtoi ai./teve1.info/
