Sipas tij, masakrimi i votës së qytetarëve ndodh në momentin e numërimit.
“Masakrimi i votës ë qytetarëve ndodh në momentin e numërimit. Në momentin kur fletëvotimet ndahen sipas partive politike dhe në ato që janë të pavlefshme. Në atë moment, komisionerët dhe ata
që janë të ulur aty bëjnë pazare se cilit kandidat do t’i takojnë votat e partive politike dhe rrjedhimisht në shumicën e rasteve fiton kandidati që ka pas vëzhgues brenda apo i ka pas xhepat e thellë gjatë fushatës. Ligji i ri duhet t’i eliminoj këto mundësi. Kjo bëhet me reformën zgjedhore”, tha Abazi.
Sipas tij, duhet të bëhet digjitalizimi i procesit zgjedhor si dhe ndarja e Kosovës në pesë zona zgjedhore.
“Kosova si një zonë zgjedhore nuk garanton përfaqësim e as pjesëmarrje në demokracinë dhe jetën parlamentare, rrjedhimisht propozoj që Kosova të ndahet në 5 zona zgjedhore sipas ligjit për zgjedhje të cilat do të jenë përfaqësim i qytetarëve në Kuvendin e Kosovës”, tha Abazi.
Ai kërkoi që presidenti i vendit të zgjidhet drejtpërdrejt nga populli.
“Është i vetmi ligj që mund të garantoj që vullneti demokratik i qytetarëve të mos deformohet dhe të rezultoj në përfaqësime, në pjesëmarrje të qytetarëve në proceset demokratike e krijimin e ligjeve dhe funksionimin e institucioneve demokratike në vend”, tha Abazi.
