Deputeti i Lëvizjes Vetëvendosje, Haki Abazi, ka thirrur nesër një konferencë për media pasi sipas tij, kryeministri Albin Kurti e ka urdhëruar largimin e tij nga pozita e drejtuesit të Komisionin Parlamentar për Punë të Jashtme.
Ai përmes një shkrimi në Facebook ka thënë se nesër poashtu do të flase edhe për audio dhe video të cilat siç tha ai, ky urdhër mëton t‘i mbulojë.
Konferenca për media do të mbahet në hollin e Kuvendit duke filluar nga ora 10:00.
“Nesër në ora 10:00 në hollin e Kuvendit Ju ftoj për konferencë për Media lidhur me urdhërin e Kryeministrit Kurti për të kërkuar nga Kuvendi shkarkimin nga pozita e Kryetarit të Komisionit për Punë të Jashtme dhe Diasporë dhe heqjen nga Komisioni Parlamentar për Stabilizim Asocim BE- Kosovë.Nesër poashtu flasim për audio/ video incizimet dhe skandalet tjera që ky urdhër mëton t‘i mbulojë”, ka shkruajtur ai./teve1.info./
