Tutje, Abazi ka thënë se Kosova duhet të veprojë mençur sepse ky proces e orienton Kosovën drejt BE-së.
“Procesi i Berlinit dhe marrëveshjet shënojnë momentin më të rëndësishëm të vitit 2022. Është një orientim drejt vlerave euroatlantike në BE. Qëndrimi ynë duhet të jetë i mençur, për të mos marrë peng qytetarët në veri të vendit. Kjo agjendë euroatlantike është e vetmja që fitojnë qytetarët. Takimi në Berlin fundos tentativa të kota për Ballkanin e hapur, tha Abazi.
Ky proces, sipas Abazit, është i rëndësishëm edhe për faktin se e trajton Kosovën si të barabartë me vendet e tjera të Ballkanit.
“Procesi i Berlinit i ka treguar Ballkanit se ka të bëjë me 6 shtete të barabarta dhe se nuk ka kushtëzime. Për këtë duhet t’i falënderohemi shtetit gjerman. Shpresoj që ratifikimi të bëhet në vendet e Ballkanit dhe të zbatohen në mënyrë konkrete edhe pse mund të ketë vonesa”, u shpreh Abazi.
Tutje ai tha se targat janë prodhim i një manovrimi që ka bërë emisari i posaçëm i BE-së për dialog, Miroslav Lajçak.
“Procesin me njohje në qendër ta vonojë sa më shumë të jetë e mundur. Dialogu e ka marrë peng përfshirë edhe liberalizimin. Masat me rastin e targave kanë qëllime shumë fisnike. Ne jemi në krahë të botës perëndimore. Serbia qartazi e ka sabotuar dialogun. Vendimet duhet t’i marrim në interes të Kosovës”, tha ai.
