Besimtarët myslimanë për gjatë një muaji Ramazan përveç abstenimit nga ngrënia dhe pija ata më shumë se në muajt e tjerë ruhen nga veset e këqija dhe shtojnë punët e mira.
E këtë sipas hoxhë Husamedin Abazit, besimtarët dhe besimtaret duhet ta vazhdojnë edhe në muajt e tjerë.
Ai në emisionin e Fanari në Tëvë 1, ka thënë se kryengritjen ndaj mëkateve duhet vazhduar edhe në të ardhmen.
“Jeta e besimtarit dhe besimtares duhet të jetë e ngjashme si në Ramazan. Ky muaj është një lloj stërvitje e çdo besimtari dhe besimtare, që ata ta kalisin veten duke e stërvitur për gjatë këtë muaj. Jemi munduar që të jemi kryengritës ndaj mëkateve gjatë këtij muaji dhe mendoj se këtë kryengritje duhet ta vazhdojmë edhe pas këtij muaji. Islami neve na thërret me vazhdimësi, pra me vazhdua me vepra të mira. Këto vepra të mira që i kemi bë gjatë Ramazanit me i vazhdua edhe pas”, ka thënë Abazi.
