Deputeti i Vetëvendosjes, Haki Abazi ka thënë se kryeministri Albin Kurti e ka bërë të qartë se Asociacioni nuk është çështje lobistësh.
“Mendoj se ështe e qartë në çfarë pozicioni jemi, kryeministri e ka thënë hapur se nuk beson që lobistët duhet të jenë ata që përfaqësojnë interesin e Kosovës. Janë bindje politike, qëndrime të cilat munden me iu atribuu atyre të cilët realisht e shohin formën e implementimit si të tillë. Tash është çështje tjetër se si maten në fund këto çështje“, ka thënë ai.
Sipas Abazit, taktizimet si kjo që po bëhen për Asociacionin, janë të lejueshme në bisedime.
“Por a është pranu Asociacioni apo jo është çështje e taktizimit përbrenda negociatave që është e lejueshme sepse megjithatë unë njihem për të qenurit jo pragmatik, por e di që kur fliten fjalë të mëdha ato duhet me u mbajt dhe ndonjëherë bëhen hendikep në bërjen e politikës”, ka shtuar ai ën Këndin e Debatit në Tëvë 1.
“Por ajo që unë e kam thënë që nga fillimi është që lëvizja drejt zhbllokimit të situatës është e domosdoshme, se ne jemi përfaqësues të sovranit dhe e mbrojmë interesin e tij”.
Sipas tij, interes i Serbisë është përdorimi i çfarëdo mjeti që ta bëj të pamundur jetësimin e shtetit të Kosovës.
“Analogjitë që tërhiqen me Finlandën dhe Tirolin, ne kemi të bëjmë me një shted gjenocidal, realisht nuk është që Serbia është t’u u kujdes për të drejtat e serbëve të Kosovës, qëllimi i tyre është që të përmbys intervenimin ndërkombëtar në Kosovë dhe ta bëj të pamundur jetësimin e shtetit të Kosovës për interesa gjeopolitike të veta”. /Teve1.info/
