Aleanca për Ardhmërinë e Kosovës nuk do të votoj asnjë marrëveshje ndërkombëtare dhe nuk do të marrë pjesë në asnjë proces ligjor, pa heqjen e nenit i cili i detyron Komunat që mjetet vetanake t’i dorëzoj në thesarin e shtetit, raporton teve1.info
Këtë deklarim e bëri shefi i deputetëve të AAK-së, në Kuvendin e Kosovës, Besnik Tahiri pas mbledhjes së Kryesisë.
Tahiri tha se ky vendim i Qeverisë është i padrejtë.
“Problemi i parë ka të bëjë me të hyrat vetanake të Komunave. AAK nuk do të votoj asnjë marrëveshje ndërkombëtare, nuk do të marr pjesë në asnjë proces të ligjeve derisa nuk saktësohet kjo punë. Kjo është e padrejtë, e pakuptueshme që të hyrat e një komune të shfrytëzohen nga komuna tjetër. Nuk ka asnjë logjikë që dikush që e paguan një pronë në Bradash, ajo të kthehet në Ministri të Financave dhe ato mjete të kthehen në fshatin tjetër. Kjo është kërkesë e AAK-së për kryetarin e Kuvendit që të adresohet”, tha Tahiri.
Ai e akuzoi Qeverinë edhe për sektorin privat, për të cilin tha se vazhdojnë ta kenë pagën e ulët dhe të mos respektohen të drejtat e punëtorëve në orar dhe të drejta tjera ligjore.
“Kjo Qeveri e bëri katrahurë Ligin e pagave për zyrtarët publik tash do me lënë katrahurë edhe sektorin privat. Paga minimale vazhdon të jetë 170 euro, është viti i tretë me këtë pagë, kërkesa e sektorit privat që është që paga minimale të rritet dhe të krijohen të drejtat e punëtorëve, posaçërisht abuzimet që lidhen me pagat, orarin”, tha Tahiri.
Besnik Tahiri këto deklarime i bëri pas mbledhjes së Kryesisë së Kuvendit.
