Aleanca për Ardhmërinë e Kosovës (AAK) ka shprehur mbështetje për protestën e studentëve shqiptarë në Maqedoninë e Veriut, të cilët po kërkojnë të drejtën për të dhënë provimin e jurisprudencës në gjuhën shqipe.
Përmes një reagimi në rrjetin social Facebook, kjo parti ka theksuar se kërkesa e studentëve është legjitime dhe në përputhje me të drejtat e garantuara me Kushtetutë.
AAK-ja ka bërë thirrje që institucionet përgjegjëse në Maqedoninë e Veriut të veprojnë pa vonesë për të siguruar respektimin e barazisë dhe të drejtave të shqiptarëve.
“Aleanca për Ardhmërinë e Kosovës përkrah protestën e thirrur nga studentët shqiptarë në Maqedoninë e Veriut, të cilët me të drejtë kërkojnë realizimin e së drejtës për të dhënë provimin e jurisprudencës në gjuhën shqipe. Mbështesim kërkesën legjitime të studentëve dhe bëjmë thirrje që institucionet përgjegjëse të veprojnë pa vonesë, në respekt të barazisë dhe të drejtave të shqiptarëve, të garantuara edhe me Kushtetutë në Maqedoni të Veriut”, thuhet në reagim./teve1.info/
