Aleanca për Ardhmërinë e Kosovës përmes një konference për medie ka shprehur shqetësimin e saj për bojkotimin e kërkesave të tyre nga shumica parlamentare në Kuvendin e Kosovës.
Pal Lekaj në konferencën e AAK-së, ka shprehur shqetësimin e kësja partie për siç tha ai, bojkotimin e kërkesave të tyre nga shumica parlamentare.
Lekaj madje tha se këto bojkote të VV-së po e shembin themelin e shtetit demokratik të Kosovës.
“Shqetësimi ynë si AAK dhe qëndrimi i mazhorancës për të bojkotuar kërkesat e opozitës e në veçanti të subjektit tonë. Me praktika parlamentare nuk ka ndodhur që mazhoranca të bojkotojë seancat parlamentare, e sidomos edhe komisionit. Ne po na marrin të vetmen të drejtë tonën demokratike që me komisione hetimore, me komisione të përhershme që të shfaqim kërkesat e qytetarëve të Kosovës dhe shumica duhet të jetë konstruktive dhe jo të na bojkotojë sepse me bojkotin e tyre po e shemb themelin e shtetit demokratik”, tha ai.
Lekaj shtoi se AAK i ka përkrahur marrëveshjet ndërkombëtare dhe ligjet bazike në favor të qytetarëve të Kosovës.
