Këtë kërkesë e ka bërë shefi i grupit parlamentar të kësaj partie, Besnik Tahiri në mbledhjen e kryesisë së Kuvendit.
“Unë kërkova nga kryesia në emër të AAK-së që Ligji për Pagën minimale të largohet nga rend i ditës për seancën e ardhshme, sepse e shohim si ligj diskriminues, ligj që e dëmton në esencë një kategori të nderuar të vendit tonë. Po shpresoj e besoj që edhe LVV-ja edhe Qeveria të reflektojë në këtë kërkesë për shkak se mendoj që është gabim shumë i madh”, tha Tahiri, në një deklarim për medie pas mbledhjes.
Të hënën e kaluar ky projektligj nuk kaloi në Kuvend në mungesë të kuorumit, ndërsa që OVL e UÇK-së kishte protestuar para Kuvendit në kundërshtim të këtij Ligji i cili nuk përfshinë veteranët e UÇK-së në pagën minimale./teve1.info/
