Megjithatë, Tahiri tha se u dakorduan të diskutojnë mbi grevat pasi sipas tij nuk ka si të filloj ndryshe sesioni vjeshtor derisa greva vazhdon.
“Kemi kërkuar një interpelancë për ministrin e financave për shkak se gjendja në sektorin publik dhe privat është shumë e rëndë, mirëpo duke qenë se jemi dakord se tema e grevës është temë me rëndësi, për AAK-në gjendja është e jashtëzakonshme dhe nuk mund të sillemi zakonshëm as si vend, as si qeveri. Prandaj e mbështesim këtë temë”, tha Tahiri.
Ai tha se po ashtu AAK i ka disa prioritete si miratimi i ligjit të pagave dhe zbatimi i tij nga 1 janari.
Çështja e dytë me rëndësi sipas AAK-së është aspekti energjia dhe treta gjendja në sektorin privat.
