Aleanca për Ardhmërinë e Kosovës është duke punuar dhe komunikuar për një anëtarësim të shpejtë të Kosovës në NATO, ngjashëm me procedurat si Suedia e Finlanda.
Këtë e ka bërë të ditur shefi i Grupit Paralamnetar të kësaj partie, Besnik Tahiri, të hënën në një deklarim për media pas mbledhjes së Kryesisë së Kuvendit.
Ai tha se anëtarësimi i Kosovës në aleancën më të madhe ushtarake në botë do të ndikonte në paqe të qëndrueshme për gjithë Ballkanin Perëndimor.
“Paqja e qëndrueshme për Ballkanin Perëndimor lidhet drejt me Kosovën në NATO. AAK është duke punuar dhe komunikuar për një anëtarësim të Kosovës me shpejtësi sikur rasti i Suedisë dhe Finlandës. Mendojmë që kjo do ishte një përgjigje ndaj të gjitha kërcënimeve që po i bënë Rusia të cilat i ngriti edhe Zelensky dhe po ashtu edhe angazhimet që po bëhen në rastin e Rashkës”, tha Tahiri, përcjell teve1.info
Ai tha se kjo parti është duke përgatitur amendamentet për buxhetin, duke shtuar se Kuvendi i Kosovës duhet të ketë një qëndrim sa i përket masave që BE-ja i ka vendosur Kosovës./teve1.info/
