Aleanca për Ardhmërinë e Kosovës ka vendosur të pezullojë procesin e zgjedhjeve të brendshme partiake.
Sipas një njoftimi në Facebook, vendimi është marrë nga Këshilli i Përgjithshëm i partisë me votë unanime, me qëllim që të përqendrohet plotësisht në procesin zgjedhor në nivel nacional.
Në njoftim thuhet se vendimi për pezullimin e zgjedhjeve të brendshme është marrë për “t’u përqendruar plotësisht në procesin zgjedhor nacional”.
Sipas njoftimit, pezullimi i këtij procesi në subjektin e katërt më të madh politik shqiptar në Kosovë do të mbetet në fuqi deri dy javë pas përfundimit të zgjedhjeve të jashtëzakonshme.
Në të njëjtën mbledhje, Këshilli i Përgjithshëm i AAK-së ka diskutuar edhe për përgatitjet dhe planin organizativ të partisë për zgjedhjet, pasi presidentja Vjosa Osmani shpërndau Kuvendi i Kosovës të premten.
Po ashtu është bërë e ditur se Shtabi Qendror Zgjedhor i AAK-së do të drejtohet nga nënkryetari i partisë, Ardian Gjini./teve1.info/
