Kryetari i Aleancës për Ardhmërinë e Kosovës, Ramush Haradinaj do të marrë pjesë në takimin e thirrur nga presidentja e Kosovës, Vjosa Osmani rreth çështjes së konstituimit të Kuvendit.
Lajmin për tëvë1.info e ka bërë të ditur zëdhënësi i AAK-së, Kushtrim Xhemaili.
“Po kryetari Ramush Haradinaj do te marre pjese ne takimin e thirrur nga Presidentja”, ka thënë Xhemaili.
Të hënën Presidenca ka njoftuar se presidentja e Kosovës, Vjosa Osmani do të nisë konsultime nga data 15 maj lidhur me konstituimin e Kuvendit.
Këshilltari i presidentes, Bekim Kupina ka thënë se tashmë janë dërguar ftesat për takimet e para dhe po i presin konfirmimet.
Partia Demokratike e Kosovës ka njoftuar se e ka pranuar ftesën e Osmanit dhe do të marrë pjesë në takimin e thirrur nga ajo.
Zëdhënësi i PDK-së, Faton Abdullahu ka thënë se ky takim do të jetë ndihmues për të dalë nga kriza politike.
Dështimi i Kuvendit – Presidentja Osmani i fton të enjten në takim liderët e partive politike
Memli Krasniqi e pranon ftesën e Osmanit, merr pjesë në takimin e 15 majit
