Saranda Bogujevci e ka cilësuar të pasinqertë kërkesën e AAK-së, që Lëvizja Vetëvendosje të propozojë emrin e saj për kryeparlamentare.
Aleanca për Ardhmërinë e Kosovës ka kërkuar kompromis politik nga LVV-ja për zgjidhjen e ngërçit në seancën konstituive.
AAK-ja ka thënë se do ta votonte Saranda Bogujevcin për kryetare të Kuvendit. Edhe PDK-ja ka kërkuar kompromis lidhur me emrin.
Por, Bogujevci u përgjigj duke thënë se LVV-ja ka vendosur kush do të jetë i propozuari i saj dhe nuk i tregojnë të tjerët se kush duhet të jetë zot shtëpie i këtij institucioni.
“Është interesant ku dojnë me dërgu debatin dhe diskursin publik, duke u mundu me kriju një narrativë tek populli për veprimet e tona politike. Propozim nga ata që nuk e kanë të drejtën për me propozu, tek ata që dojnë me determinu rrjedhen e politikës tane, ama për vete mos me ju perzi kërkush,e deri tek studiot televizive ku nuk lanë gjë të zezë pa thane deri dje, përfshi edhe kur thonin se si une jam amatere dhe nuk jam e denj për me udhëheqë seancë e tash qenkam personi i preferuar për pozitën e kryetares së Kuvendit. Shumë interesant”, shkroi Bogujevci në rrjetin social Facebook.
